صباح الخير

[email protected]

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

المقالات

حواء العمياء

40 مشاهدة

12 سبتمبر 2018
كتب : شريف الدواخلي



عندما تجد حواء «أيا كان صفتها» بالنسبة لك عمياء «مش شايفاك» اعرف أنك لو مددت يدك إلى أعلى ما تستطيع وأحضرت لها «قطعة من السماء» ستظل ساخطة عليك «برضو عينها مش هتشوفك».

لن تراك لأنها وضعتك فى خندق صغير «صورة نمطية» ارتاحت لها واقتنعت بها وعليه «معندهاش استعداد تغيرها مهما حصل».
لو تزوجتك فقيرًا، و«ربنا ادالك» ستظل فى نظرها «شحات».
لو تزوجتك موظفا صغيرا وترقيت إلى مدير عام ستظل فى عينها «جعان».
حواء لا تراك مثلما ترى أنت نفسك «لأ».. «هى بتشوفك زى ما هى عاوزة تشوفك.. ومهما عملت هتفضل تشوفك بالطريقة اللى مقررة تشوفك بيها».
«يعنى لما تركبوا باص وتقولها اقعدى هنا وأنا هروح أجيب التذاكر وترجع تلاقى واحدة قاعدة جنبها - أو واحد - وتسألها هو إزاى ده حصل؟، فتقولك أبدا اتحرجت أقولها - أقوله - فى حد قاعد... اعرف أنها عمياء».
«لما تركبوا ميكروباص وأنت متعشم إنك تقعد جنبها - الطبيعى - والميكروباص يبقى فاضل فيه كرسيين (القلاب) - يعنى ورا بعض- وتقولك يالله نركب، ولا كأنها شيفاك.. يبقى حضرتك مش مهم بالنسبالها خالص.. اعرف إنها عمياء».
«لما تقابلك وطول الوقت عمالة تشيت مع حد (صديقة أو صديق أو أم أو أب..إلخ)» اعرف إنها عمياء».
«لما تكون بتكلمها وهى أصلا مش سامعاك، وتفاجئ فى آخر الكلام أنها بتقول كلام ملوش علاقة بالساعتين اللى حضرتك (طرشتهم).. أعرف إنها عمياء»
«لما تكون قاعدة معاك ومتعشم إنك تقضى اليوم معاها (سينما وغدا وفسحة) وفى ثانية تقولك معلش اتأخرت (بعد ما اتقابلتوا بنص ساعة).. أعرف إنها عمياء».
«لما تكون بتقابلك بس عشان تشكى لك همها، وبتفضى لك بس لما يكون عندها مشكلة، وبتتكلم معاك بس لو محتاجالك.. أعرف إنها عمياء»
«لما تكون شايفة إن اللى بتعمله بالنسبالها عادى باعتبار أن زيك زى غيرك وعليه ما تنتظرش منها مقابل.. أعرف إنها عمياء»
«حواء بتكون عمياء لما بتقرر إنها تبقى كده، يعنى مقصودة سيادتك، إما «تقل»، أو «لامبالاة» أو توهان زى معظم البنات
النوعية ديه آخر حد ممكن يحس بغيابك أو يحس بوجودك أصلًا وعليه لا تنتظر منها «إنها تسأل عنك أو تعبرك».
ولما تكون كده حلها الوحيد «إنك تسيبها لحد لما صوتها يبح من كتر السؤال عليك لأن النوعية ديه جلدها بيبقى تخين ومش بتحس بقيمة أى حاجة إلا لما تفقدها».•



مقالات شريف الدواخلي :

امرأة سيئة السمعة


التعليقات



بقلم رئيس التحرير

خطط الإخوان.. هدم الأمة

خونة ومرتزقة وقتلة ولصوص وتجار دين وجهلاء. هذا هو تصنيفهم وتوصيفهم. سرطان زرع فى قلب الأرض المقدسة. لم يطرح سوى الدم والدموع و..

اشترك بالنشرة الاخبارية

الاسم
:
البريد
:
   
RSS TwitterFacebook